Sınoptıkterdiń 14 qańtar kúngi aýa raıy boljamy
ASTANA. QazAqparat - 14 qańtar kúni Qazaqstannyń basym aýmaǵynda aýa raıy qubylmaly bolady, jaýyn-shashyn kútiledi. Respýblıkanyń keı jerlerinde kóktaıǵaq, tuman, daýyldy jel boljanady. Bul týraly «Qazgıdromet» RMK-dan málim etti, dep habarlaıdy QazAqparat.
Atap aıtqanda, túnde Aqmola oblysynyń basym bóliginde, kúndiz keı jerlerinde jeldiń ekpini 15-20 m/s kúsheıedi, keı jerlerde jaıaý burqasyn bolady.
Almaty oblysynyń keı jerlerin tuman basady. Jalańashkól aýdanynda 17-22 m/s jyldamdyqtaǵy jeldiń kúshi 25 m/s artady.
Qyzylorda oblysynda keı jerlerde tuman, kóktaıǵaq boljanady, jeldiń ekpini 15-20 m/s jetedi.
Soltústik Qazaqstan oblysynda burqasyn, tuman, kóktaıǵaq kútiledi, jel 15-20 m/s kúsheıedi.
Qostanaı oblysynyń keı jerlerinde burqasyn, 15-20 m/s jyldamdyqta jel boljanady.
Jambyl, Túrkistan, Qaraǵandy oblystarynyń keı jerlerin tuman basady. jel 15-20 m/s artady.
Shyǵys Qazaqstan oblysynda túnde jáne tańerteń tuman bolady, kúndiz jel 15-20 m/s kúsheıedi.
Mańǵystaý, Atyraý, Batys Qazaqstan, Aqtóbe oblystarynyń keı jerlerinde tuman kútiledi. Atyraý, Batys Qazaqstan oblystarynda, sondaı-aq kóktaıǵaq bolýy yqtımal.
Pavlodar oblysynda kúndiz jeldiń ekpini 15-20 m/s artýy múmkin.
