Sınoptıkterdiń 13 qyrkúıek kúngi aýa raıy boljamy
ASTANA. QazAqparat - 13 qyrkúıek kúni antıtsıklonnyń áserinen respýblıkanyń basym bóliginde jaýyn-shashynsyz aýa-raıy kútiledi. Keı jerlerde tuman, kúshti jel boljanady. Jekelegen aýmaqtarda shań aralas jel turady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Soltústik Qazaqstan oblysynda kúndiz 15-20 m/s jel soǵyp, onyń ekpini 23-28 m/s jetedi. Túnde jáne tańerteń keı jerlerde tuman kútiledi.
Qostanaı, Shyǵys Qazaqstan oblystarynyń keı jerlerinde tuman túsip, kúndiz jeldiń jyldamdyǵy 15-20 m/s kúsheıedi.
Jambyl oblysynyń keı jerlerin tuman basyp, jeldiń ekpini 15-23 m/s artady.
Qyzylorda oblysynyń keı jerlerinde 15-20 m/s ekpindegi jelge shańdy daýyl aralasady.
Pavlodar, Qaraǵandy, Almaty, Mańǵystaý oblystarynyń keı jerlerinde tuman kútiledi.
Túrkistan, kúndiz Atyraý, Batys Qazaqstan oblystarynyń jekelegen jerlerinde jeldiń jyldamdyǵy 15-20 m/s jetedi.
Túnde Pavlodar, Qaraǵandy, Shyǵys Qazaqstan, Almaty, Jambyl oblystarynda 1-3 gradýs úsik kútilýde.
Qyzylorda, Túrkistan, Jambyl, Mańǵystaý oblystarynyń basym bóliginde, Atyraý, Batys Qazaqstan, Aqtóbe jáne Qaraǵandy oblystarynyń keı jerlerinde joǵary órt qaýpi saqtalady.
