Sınoptıkterdiń 12 jeltoqsanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 12 jeltoqsan kúni eldiń basym bóliginde jaýyn-shashyn (qar) jaýady. Tek ońtústikte, ońtústik-shyǵysta, soltústikte jáne soltústik-shyǵysta kún jaýyn-shashynsyz ótedi. Keı jerlerde tuman, kóktaıǵaq, burqasyn jáne jeldiń kúsheıýi kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Ońtústik Qazaqstan, Qaraǵandy oblystarynyń jekelegen jerlerinde tuman, burqasyn, 15-20 m/s ekpindegi jel boljanady.
Pavlodar, Shyǵys Qazaqstan oblystarynyń keı aýmaqtarynda burqasyn soǵyp, jel 15-20 m/s kúsheıedi.
Almaty oblysynyń keı jerlerinde túnde tuman bolyp, Jalańashkól aýdanynda jeldiń jyldamdyǵy 15-20 m/s artady.
Batys Qazaqstan oblysynyń keı jerlerinde tuman men kóktaıǵaq kútiledi, jeldiń ekpini - 15-20 m/s.
Aqmola oblysynyń keı aýmaqtarynda túnde jáne tańerteń burqasyn bolady.
Jambyl, Qyzylorda, Mańǵystaý, Atyraý, Aqtóbe, Qostanaı, Soltústik Qazaqstan oblystarynyń keı jerlerine tuman túsedi. Atyraý oblysynda kóktaıǵaq boljanady.
