Sınoptıkterdiń 11 shilde kúngi aýa raıy boljamy
ASTANA. QazAqparat - Atmosferalyq fronttardyń ótýine baılanysty 11 shilde kúni elimizdiń jekelegen óńirlerinde jańbyr jaýyp, naızaǵaı oınaıdy, burshaq bolýy múmkin. Ońtústikte túnde jáne tańerteń daýyl turady. Respýblıkanyń tek batysynda, ońtústiginde, jáne shyǵys bóliginde aýa raıy jaýyn-shashynsyz bolady. Qazaqstannyń keı aımaqtarynda jel kúsheıip, túnde jáne tańerteń keı jerlerde tuman kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Soltústik Qazaqstan oblysynyń keı jerlerinde 15-20 m/s ekpinde jel soǵady. Kúndiz burshaq jaýýy múmkin, túnde jáne tańerteń keı jerlerde tuman kútiledi.
Qaraǵandy oblysynyń keı jerlerinde burshaq jaýýy múmkin, kúndiz jeldiń kúshi 15-20 m/s jetedi, túnde jáne tańerteń tuman túsýi yqtımal.
Qyzylorda oblysynyń keı jerlerinde tańerteń jáne kúndiz daýyl turyp, 15-20 m/s jyldamdyqta jel soǵady.
Jambyl, Qostanaı, Aqmola, kúndiz Almaty oblystarynyń keı jerlerinde 15-20 m/s jel turady, Qostanaı, kúndiz Aqmola oblystarynda burshaq bolýy múmkin.
Batys Qazaqstan, Atyraý, Aqtóbe, Qyzylorda, Mańǵystaý oblystarynyń basym bóliginde, keı jerlerde Jambyl, Almaty, Túrkistan, Qaraǵandy, Shyǵys Qazaqstan, Qostanaı oblystarynda qatty ystyq kútiledi.
Sondaı-aq Mańǵystaý oblysynda, Qyzylorda oblysynyń basym bóliginde, Atyraý, Batys Qazaqstan, Aqtóbe, Túrkistan oblystarynyń keı jerlerinde joǵary órt qaýpi saqtalady.
