Sınoptıkterdiń 11 aqpanǵa arnalǵan aýa raıy boljamy
ASTANA. QazAqparat - Atmosferalyq fronttardyń ótýine baılanysty 11 aqpan kúni respýblıkanyń soltústik-batysynda jáne ońtústiginde keı jerlerde azdaǵan qar jaýady. Qazaqstannyń basqa aımaqtarynda jaýyn-shashynsyz aýa raıy saqtalady. Keı jerlerde jeldiń kúsheıýi, tuman kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Almaty oblysynyń Jalańashkól aýdanynda jeldiń kúshi 20-25 m/s quraıdy, keı ýaqytta onyń ekpini 30 m/s jetedi.
Jambyl oblysynyń keı jerlerinde tuman, kúndiz 15-20 m/s jyldamdyqtaǵy jel kútiledi.
Shyǵys Qazaqstan oblysynda jel 15-20 m/s kúsheıip, jaıaý burqasyn soǵady. Sondaı-aq tuman boljanady.
Qostanaı oblysynyń keı jerlerinde jaıaý burqasyn men tuman kútiledi.
Aqmola, Ońtústik Qazaqstan, Qyzylorda, Mańǵystaý, Atyraý, Soltústik Qazaqstan, Pavlodar, Qaraǵandy oblystarynyń keı jerlerinde sondaı-aq tumandy bolady.
