Sınoptıkterdiń 1 qazan kúngi aýa raıy boljamy
ASTANA. QazAqparat - 1 qazan kúni atmosferalyq aǵymdardyń ótýine baılanysty Qazaqstannyń basym bóliginde jańbyr jaýady, ońtústikte naızaǵaı kútiledi. Respýblıkanyń keı aımaqtarynda jel kúsheıip, soltústik-batysta jáne shyǵysta tuman boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Shyǵys Qazaqstan oblysynda túnde jáne tańerteń keı jerlerde tuman kútiledi. Kúndiz 15-20 m/s-pen soqqan jeldiń ekpini 23 m/s kúsheıedi.
Almaty oblysy Jalańashkól aýdanynda jeldiń jyldamdyǵy 17-22 m/s artady.
Túnde Qyzylorda oblysynyń keı jerlerinde naızaǵaı kútiledi.
Aqmola, Soltústik Qazaqstan, Qostanaı, kúndiz Pavlodar, Qaraǵandy, Túrkistan oblystarynyń jekelegen aýmaqtarynda jeldiń ekpini 15-20 m/s kúsheıedi.
Aqtóbe oblysynda keı jerlerde tuman boljanady.
Sondaı-aq Túrkistan, Qyzylorda oblystarynda, Jambyl, Almaty, Atyraý, Aqtóbe, Qaraǵandy oblystarynyń keı jerlerinde joǵary órt qaýpi saqtalady.
