Sınoptıkter jeksenbige arnalǵan aýa raıy boljamyn usyndy
ASTANA. QazAqparat -26 qarashada atmosferalyq aǵyndardyń ótýine baılanysty Qazaqstannyń basym bóliginde jaýyn-shashyn bolady. Respýblıkanyń keı jerlerinde tuman, kóktaıǵaq, jel 15-20 m/s kúsheıedi, ońtústiginde burqasyn kútiledi, qatty jaýyn-shashyn jaýady, dep habarlaıdy Qazgıdromet.
Jambyl oblysynyń keı jerlerinde tuman, kóktaıǵaq, jeldiń kúsheıýi 15-20 m/s, tańerteń jáne kúndiz ekpini 25 m/s kútiledi.
Almaty oblysynyń keı jerlerinde túnde tuman bolady, Jalańashkól aýdanynda jel 18-23 m/s kúsheıedi.
Ońtústik Qazaqstan, Qostanaı oblystarynyń keı jerlirinde tuman, kóktaıǵaq jel 15-20 m/s kúsheıedi, Ońtústik Qazaqstan oblysynda burqasyn kútiledi.
Aqmola, Qyzylorda, Shyǵys Qazaqstan oblystarynyń keı jerlerinde tuman bolady, jel 15-20 m/s kúsheıedi.
Mańǵystaý, Batys Qazaqstan oblystarynyń keı jerlerinde tuman bolady. Qaraǵandy oblysynyń keı jerlerinde kúndiz jel 15-20 m/s kúsheıedi.
