Sınoptıkter úsh kúnge aýa raıy boljamyn jarııalady
NUR-SULTAN. QazAqparat – Sınoptıkter 8-10 tamyzǵa arnalǵan aýa raıy boljamyn jarııalady, dep habarlaıdy QazAqparat Qazgıdrometke silteme jasap.
«Aldaǵy úsh kún ishinde Qazaqstan aýmaǵy arqyly ońtústik tsıklon ótedi, onymen elimizdiń basym bóliginde aýa raıy qubylmaly bolady. Naızaǵaı oınap, jańbyr jaýady, soltústik-batysta keı jerlerde qatty nóser jaýýy yqtımal. Keı jerlerde daýyl turyp, burshaq jaýady. Tek elimizdiń shyǵysynda kún raıy ashyq bolady. Elimizdiń aýmaǵynda jel kúsheıedi», delingen habarlamada.
