Sınoptıkter tamyz aıynda aýa raıy qandaı bolatyndyǵyn aıtty

Tamyz jaz maýsymyn aıaqtaıdy. Kúnniń uzaqtyǵy tamyz aıynda soltústik oblystarda 2 saǵatqa, ońtústik oblystarda 1 saǵat 20 mınýtqa qysqarady. Elimizdiń basym bóliginde ortasha aılyq aýa temperatýrasy tamyz aıynda shilde aıynan +2+2,5°S, al ońtústik oblystarda 1°S tómen. Qazaqstannyń soltústiginde ortasha aılyq aýa temperatýrasy +16+20°S quraıdy jáne ońtústikke qaraı +27+29°S deıin joǵarylaıdy. Taý bókterindegi aýdandarda bıiktegen saıyn aýa temperatýrasy tómendeıdi +24°S dan (teńiz deńgeıinen 450 m bıiktikte) 7,5°S deıin ( 3 km bıiktikte).

Aýa raıynyń konsýltatıvtik boljamyna sáıkes jazdyń sońǵy aıynda aýa temperatýrasy klımattyq norma shamasynda kútiledi.

Jaýyn-shashynnyń edáýir kóp bolýy jáne qatty qurǵaqshylyq, ádette, tamyz aıynda sırek kezdesedi. 2020 jylǵy tamyz aıy da basqa jyldardan erekshelenbeıdi: jaýyn-shashyn mólsheri respýblıkanyń basym bóliginde norma shamasynda, Shyǵys Qazaqstan oblysynyń soltústik-batys bóliginde, sonymen qatar Almaty oblysynyń taý jáne taý bókterli aýdandarynda – normadan kóp, Mańǵystaý, Qyzylorda oblystarynda jáne Aqtóbe oblysynyń ońtústiginde – normadan az bolady.

Tamyzdyń birinshi onkúndiginde turaqsyz aýa raıy tsıklondarmen, atmosferalyq fronttarmen baılanysty bolady, olardyń ótýi qysqa merzimdi jaýyn-shashynǵa, batys, soltústik, shyǵys jáne ońtústik-shyǵys aımaqtarda kúshti jaýyn-shashyn, sondaı-aq jeldiń kúsheıýine ákeledi. Naızaǵaı qubylystary men burshaqtyń túsýi shilde aıyna qaraǵanda az bolady dep kútilýde.

Qazaqstan Respýblıkasynyń basym bóliginde aýa temperatýrasynyń joǵary fony boljanady: túnde +15+25°S shamasynda, kúndiz +27+37°S, ońtústikte +40°S deıin joǵarylaıdy. Tek batysta, shyǵysta jáne ońtústik-shyǵys aýmaqtardyń taýly aýdandarynda, Skandınavııa men Taımyr aýdandarynan sýyq aýa massalarynyń enýine baılanysty birinshi onkúndiktiń ortasynda aýa temperatýrasy túnde +10+15°S-qa deıin, kúndiz +20+27°S-qa deıin tómendeıdi.

Ekinshi jáne úshinshi onkúndikterde jańbyrly jáne salqyn kúnder ystyq jáne az bultty kúndermen aýysady.

Elimizdiń soltústik jartysynda aýa temperatýrasynyń aýytqýy túnde +12+20°S-tan +7+15°S-qa deıin, kúndiz +23+30°S-tan +15+23°S-qa deıin, al ońtústik jartysynda jáne batysynda túnde +15+23°S-tan +10+18°S-qa deıin kúndiz +30+39°S-tan +23+30°S-qa deıin kútiledi.