Sınoptıkter tamyz aıyna arnalǵan aýa raıy boljamyn jarııalady
ASTANA. KAZINFORM — Tamyz — jazdyń sońǵy aıy. Eldiń ońtústigi men batysynda negizinen ystyq, al soltústik jartysynda jańbyrly, naızaǵaıly ári salystyrmaly túrde salqyndaý aýa raıy qalyptasady.
Belsendi soltústik-batys tsıklony men atmosferalyq frontaldy bólimder ótýine baılanysty tamyzdyń birinshi onkúndiginde Qazaqstannyń basym bóliginde aýa raıy qubylmaly bolady dep kútiledi: kún kúrkirep, jańbyr jaýady, ekpindi jel soǵyp, burshaq jaýýy múmkin, keı ýaqytta eldiń soltústiginde, ortalyǵynda, shyǵysynda, kezeń ortasynda ońtústik-shyǵystyń taýly jáne taý bókterindegi aýdandarynda qatty jańbyr jaýady dep boljanady.
Alaıda, birinshi onkúndiktiń ortasynan bastap respýblıkanyń batys jartysynda jáne ortalyǵynda jaýyn-shashyn qysqa merzimge toqtaıdy dep kútiledi.
Tamyzdyń birinshi onkúndiginde Qazaqstannyń batysy men soltústik-batysynda kúndizgi aýa temperatýrasy +25+35°S-tan +34+39°S-qa deıin, Atyraý oblysynyń ońtústiginde +41°S-qa deıin; Mańǵystaý oblysynda +35+40°S-tan +39+44°S-qa deıin birtindep kóteriledi dep kútiledi.
Kúndizgi aýa temperatýrasy tómendeıdi:
- respýblıkanyń soltústiginde jáne Qostanaı oblysynda +25+35°S-tan +20+28°S-qa deıin, onkúndiktiń sońynda qaıtadan +30+38°S-qa deıin ystyq boljanady;
- ońtústikte +39+44°S-tan +29+36°S-qa deıin tómendeıdi.
Eldiń ortalyǵy men shyǵysynda +33+41°S qatty ystyqtan +22+31°S-qa deıin aýysyp otyrady dep kútiledi;
- eldiń ońtústik-shyǵysynda aýa temperatýrasy +34+39°S, Jambyl oblysynda +42°S-tan +27+35°S-qa deıin aýytqýy boljanady.
Tamyzdyń ekinshi jáne úshinshi onkúndikterinde respýblıkanyń soltústik jartysynda aýa temperatýrasy túnde +3+8°S-tan +10+18°S-qa deıin, kúndiz +17+25°S-tan +25+35°S-qa deıin aýytqıdy dep kútiledi.
Batysta jáne eldiń ońtústik jartysynda túnde +17+27°S-tan +13+18°S-qa deıin, kúndiz +32+42°S-tan +25+35°S-qa aralyǵynda aýytqıdy.
Aıta ketelik aldaǵy úsh táýlikte 40 gradýsqa deıin ystyq saqtalady.
