Sınoptıkter taǵy úsh óńirde eskertý jarııalady
NUR-SULTAN. QazAqparat – Aýa raıynyń nasharlaýyna baılanysty taǵy birneshe óńirde eskertý jarııalandy, dep habarlaıdy QazAqparat.
«Qazgıdromet» RMK málimetinshe, 28 aqpanda Batys Qazaqstan oblysynyń keı jerlerinde tuman kútiledi. Ońtústik-batystan soǵatyn jeldiń kúshi 15-20 m/s artady.
Oral qalasynda ońtústik-batystan soǵatyn jeldiń ekpini 18 m/s kúsheıedi.
Mańǵystaý oblysynyń keı jerlerinde shańdy daýyl boljanady. Ońtústik-shyǵystan jel soǵyp, jyldamdyǵy 15-20, keı jerlerde 23 m/s jetýi yqtımal.
Aktaý qalasynda kúndiz shańdy daýyl turyp, ońtústik-shyǵystan soǵatyn jeldiń ekpini 23 m/s jetedi.
Aqmola oblysynyń keı jerlerin tuman, kóktaıǵaq, burqasyn kútiledi. Soltústik-batystan soqqan jel ońtústik-batysqa aýysyp, kúshi 15-20 m/s artady.
Kókshetaý qalasynyń joldarynda kóktaıǵaq kútiledi.
Aıta keteıik, sınoptıkter buǵan deıin Soltústik Qazaqstan jáne Qostanaı oblystarynda eskertý jarııalaǵan bolatyn.
