Sınoptıkter taǵy bir óńirde eskertý jarııalady
ORAL. QazAqparat – Batys Qazaqstan oblysynda aýa raıynyń buzylatyny jóninde eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimeti boıynsha, 28 sáýir kúni óńirdiń keı jerlerinde tuman túsedi. Kúndiz keı jerlerde naızaǵaı oınap, ońtústik-batystan soltústik-batysqa aýysyp soǵatyn jeldiń jyldamdyǵy sekýndyna 15-20 metrge jetedi.
Oral qalasynda jeldiń ekpini sekýndyna 18 metrge jetýi yqtımal.
BQO Tótenshe jaǵdaılar departamenti osyǵan baılanysty tótenshe jaǵdaılarǵa jol bermeý maqsatynda tıisti sharalar qolǵa alynyp jatqanyn habarlady.
Eske sala keteıik, budan buryn elimizdiń 7 óńirinde aýa raıyna baılanysty eskertý jarııalanǵan bolatyn.
