Sınoptıkter: SQO-da demalys kúnderi jańbyr jaýyp, naızaǵaı oınaıdy
PETROPAVL. QazAqparat - Soltústik Qazaqstan oblysynda aldaǵy demalys kúnderi jańbyr jaýýy yqtımal, dep habarlaıdy QazAqparat tilshisi.
«Qazgıdromet» RMK bólimshesiniń málimetinshe, mamyr aıynyń alǵashqy úsh kúninde óńirde naızaǵaı oınaıdy. 1 mamyr kúni túnde 5-10 gradýs jyly, kúndiz 23 gradýs nólden joǵary bolady. Jeldiń ekpini sekýndyna 23-28 metrge jetedi.
Ekinshi mamyrda jel ekpini báseńdep, sekýndyna 9-14, keı jerlerge 15-20 metr bolady. Oblystyń basym bóliginde túnde 0-5 gradýs salqyn, kúndiz 15-20 gradýs jyly bolady.
Úshinshi mamyrda termometr baǵany 2-7 grýdýs jylyny kórsetýi yqtımal, kúndiz 10-15 gradýsqa kóteriledi.
4-6 mamyrda túnde -3 gradýsqa deıin sýytady. Oblystyń basym bóliginde 0-5 jyly bolady. Kúndiz aýa temperatýrasy 7-12 gradýsqa kóteriledi. Keı jerlerge tuman túsýi múmkin. 7-10 mamyr aralyǵynda aýa temperatýrasy 15-20 gradýstan 21-26 gradýsqa joǵarylaıdy. Ońtústik aýdandarda 29 gradýsqa jyly bolady.
