Sınoptıkter Nur-Sultan men ózge birneshe óńirde eskertý jarııalady
NUR-SULTAN. QazAqparat – «Qazgıdromet» RMK aýa raıynyń qolaısyzdyǵyna baılanysty birneshe óńirde eskertý jarııalady, dep habarlaıdy QazAqparat.
Atap aıtqanda, 7-9 qańtarda Nur-Sultan qalasynda jaýyn-shashyn (jańbyr, qar), kóktaıǵaq, tuman kútiledi. 7-inshi jáne 9 aqpanda jaıaý burqasyn boljanady. 7-8 aqpanda ońtústik-batystan soǵatyn jel soltústik-batysqa aýysyp, kúshi 15-20 m/s artady. 8 aqpanda jeldiń ekpini 23 m/s kúsheıedi.
7 aqpanda Batys Qazaqstan oblysynyń keı jerlerinde jaýyn-shashyn, tuman, kóktaıǵaq kútiledi. Oral qalasynda sondaı-aq tuman, kóktaıǵaq boljanady.
8 aqpanda Qostanaı jáne Soltústik Qazaqstan oblystarynda jaýyn-shashyn (jańbyr, qar), kóktaıǵaq, burqasyn bolady. Ońtústik-batystan soǵatyn jel soltústik-batysqa aýysyp, ekpini 23-28 m/s jetýi yqtımal.
Aqtóbe oblysynda jaýyn-shashyn (jańbyr, qar), kóktaıǵaq, burqasyn kútiledi. Ońtústik-batystan soǵatyn jel soltústik-batysqa aýysady, kúshi 15-20 m/s quraıdy.
8-9 aqpan kúnderi atalǵan óńirlerde túnde aýa temperatýrasy -10-20 gradýsqa kúrt tómendeıdi.
7-9 aqpan aralyǵynda Aqmola oblysynyń keı jerlerinde jaýyn-shashyn (jańbyr, qar), tuman, kóktaıǵaq, burqasyn boljanady. Ońtústik-batystan soǵatyn jeldiń kúshi 15-20 m/s, ekpini 23 m/s bolady. 8 aqpanda jeldiń jyldamdyǵy 23-28 m/s artýy múmkin.
Eske salaıyq, keshe sınoptıkter 11 óńirde aýa raıy buzylatynyn habarlaǵan bolatyn.
