Sınoptıkter naýryzdyń 13-i kúngi aýa raıy boljamyn usyndy
ASTANA. QazAqparat - «Qazgıdromet» naýryzdyń 13-i kúngi aýa raıy boljamyn usyndy, dep habarlaıdy QazAqparat.
«Qazgıdromet» taratqan málimetterge qaraǵanda, búgin eldiń batysynda, soltústik-batysynda, jáne soltústiginde atmosferalyq frontaldy bólikterdiń ótýine baılanysty aýa raıy qubylmaly bolady. ıAǵnı respýblıkanyń keı jerlerine jaýyn jaýyp, tuman túsip, kóktaıǵaq bolyp, jel kúsheıedi. Soltústikte tipti jaıaý burqasyn da bolýy yqtımal.
Soltústik Qazaqstan oblysynyń birqatar aýmaqtarynda tuman túsip, túnde jáne tań ata kóktaıǵaq bolyp, jaıaý burqasyn soǵady. Jeldiń jyldamdyǵy sekýndyna 15-20 metrge jetip, keı jerlerde ol 23-28 metrge deıin barady.
Aqmola, Qostanaı oblystarynda tuman túsip, kóktaıǵaq bolyp, jeldiń jyldamdyǵy sekýndyna 15-22 metrge jetedi.
Almaty oblysynda túnde jáne tań ata keı jerlerde tuman bolyp, Jalańashkól aýdanynda jel sekýndyna 17-22 metrge deıin kúsheıedi.
Al Atyraý, Aqtóbe oblystarynyń birqatar aýmaqtarynda tuman túsip, kúndiz jel sekýndyna 15-20 metr jyldamdyqpen uıtqıdy.
Batys Qazaqstan oblysynda birqatar aýmaqtarda tuman túsip kóktaıǵaq bolady.
Jambyl, Qyzylorda, Pavlodar, Qaraǵandy oblystarynda túnde jáne tań ata Shyǵys Qazaqstan oblysynda, Túrkistan oblysynyń keı jerlerinde tuman túsedi.
Mańǵystaý oblysynyń birqatar jerlerinde kúndiz jeldiń jyldamdyǵy 15-20 m/s bolady.
