Sınoptıkter qyrkúıektiń 20-sy kúngi aýa raıy boljamyn jarııalady
NUR-SULTAN. QazAqparat - Qazaqstannyń basym bóligine antıtsıklon yqpal etip, kún ashyq bolady. Bul týraly QazAqparat «Qazgıdromet» RMK-nyń málimtterine súıene otyryp habarlaıdy.
Kásiporyn taratqan málimetterge qaraǵanda, qyrkúıektiń 20-sy kúni Qazaqstannyń basym bóligine jaýyn-shashyn bolmaıdy. Tek respýblıkanyń batys jáne soltústiginiń keı jerlerinde frontaldi bólikterdiń ótýine baılanysty aýa raıy qubylyp turady.
Keı jerlerde naızaǵaı oınap, jańbyr jaýady. Respýblıkanyń birqatar óńirlerinde jel kúsheıip, tuman túsedi, soltústikte burshaq jaýýy yqtımal.
Aqmola, Aqtóbe, kúndiz Qaraǵandy oblystarynyń keı jerlerinde jeldiń jyldamdyǵy sekýndyna 15-23 metrge jetedi dep boljanyp otyr.
Almaty oblysynda kúndiz Jalańashkól aımaǵynda jeldiń jyldamdyǵy sekýndyna 15-20 metrge jetedi.
Mańǵystaý, Atyraý, Shyǵys Qazaqstan oblystarynyń keı jerlerinde tuman túsýi múmkin.
Qostanaı oblysynyń basym bóliginde jel 15-23 m/s jyldamdyqpen uıtqyp, túnde jáne tańerteń keı jerlerde tuman túsedi.
Soltústik Qazaqstan oblysynda jeldiń jyldamdyǵy sekýndyna 15-20 metrge jetedi, keı jerlerde ol 23-28 m/s bolady, keı jerlerge tuman, burshaq jaýýy múmkin.
Pavlodar oblysynda jeldiń ekpini 15-20, keı jerlerinde 25 m/s jetedi.
Qyzylorda, Túrkistan oblystarynda, Jambyl, Karaǵandy, Batys Qazaqstan, Atyraý oblystarynyń keı jerlerinde, Aqtóbe oblysynyń ońtústiginde, Shyǵys Qazaqstan oblysynyń jekelegen aýdanynda órt qaýipi saqtalady.
