Sınoptıkter qyrkúıek aıyndaǵy aýa raıyna boljamyn jarııa etti
ASTANA. QazAqparat - Qyrkúıek aıynda jańbyr jaýyp aýa temperatýrasy birte-birte tómendeı bastaıdy, dep habarlaıdy «QazAqparat» RMK.
«Tamyz aıy qyrkúıek aıyna jyly aýa-raıy estafetasyn beredi, biraq elimizdiń batysynda jáne ońtústik shyǵysynda aýa-raıy jańbyrly bolady. Aldyn ala boljamǵa sáıkes, kelesi aptada sýyq aýa massasynyń kelýimen Qazaqstannyń barlyq aýmaqtarynda jańbyr jaýyp aýa temperatýrasynyń birte-birte tómendeýi kútiledi», - delingen habarlamada.
4-7 qyrkúıek aralyǵynda batysta túnde 12...20 gradýs jyly, kúndiz 20...28 gradýsqa deıin jyly;
6-8 qyrkúıek aralyǵynda elimizdiń soltústiginde jáne ortalyǵynda, 8-10 qyrkúıekte shyǵynda túnde 7...15 gradýs jyly, al kúndiz 17...25 gradýsqa deıin jyly.
6-8 qyrkúıek aralyǵynda ońtústikte túnde 12...20 gradýs jyly, kúndiz 22...30 gradýsqa deıin jyly.
8-10 qyrkúıek aralyǵynda ońtústik shyǵysta túnde 10...18 gradýs jyly, al kúndiz 20...28 gradýsqa deıin jyly.
Odan keıin, Ortalyq Azııa aımaqtarynan jyly aýa massasynyń kelýimen aýa temperatýrasy qaıtadan birte-birte joǵarylaıdy:
soltústik jartysynda kúndiz 22...30 gradýsqa deıin jyly;
ońtústik jartysynda kúndiz 27...35 gradýsqa deıin jyly;
Aldyn ala boljam boıynsha, qarqyndy salqyn tolqyndary aıdyń úshinshi onkúndiginde kútilýde, elimizdiń soltústiginde jáne shyǵysynda jańbyr jaýyp arty qarǵa aınalýy múmkin. Aýa temperatýrasy tómendeıdi:
soltústik jartysynda túnde 3 salqyn... 5 jyly, kúndiz 7...15 jyly
ońtústik jartysynda túnde 2...10 jyly, kúndiz 17-22 jyly.
