Sınoptıkter: keı óńirlerde aýa temperatýrasy -18°S deıin tómendeıdi

ASTANA. KAZINFORM — Qazaqstan boıynsha 2026 jylǵy 16–18 sáýirge arnalǵan aýa raıy boljamy jarııalandy, dep habarlaıdy «Qazgıdromet» RMK baspasóz qyzmeti

16–18 sáýir aralyǵynda Qazaqstan aýmaǵyndaǵy aýa raıyna eki barıkalyq túzilim áser etedi: batystan shyǵysqa qaraı jyljıtyn tsıklon turaqsyz aýa raıyn qalyptastyryp, jaýyn-shashyn (jańbyr, qar), keı ýaqyttarda qatty jaýyn-shashyn ákeledi.

— Kezeńniń sońyna qaraı respýblıkanyń soltústik, shyǵys jáne ortalyq óńirleri soltústik antıtsıklonnyń yqpalyna ótip, soǵan baılanysty aýa temperatýrasynyń tómendeýi kútiledi. Qazaqstan boıynsha tuman túsip, jeldiń kúsheıýi baıqalady, al soltústik, shyǵys jáne ortalyq aımaqtarda kóktaıǵaq bolýy múmkin, — deıdi sınoptıkter

Kezeńniń basynda soltústikte túngi aýa temperatýrasy -1…-8°S deıin, kúndiz +1…+8°S deıin tómendeıdi. Kezeńniń sońynda shyǵysta túnde -2…-18°S deıin, kúndiz 0…+13°S shamasynda bolady. Eldiń qalǵan aýmaǵynda temperatýralyq fon aıtarlyqtaı ózgermeıdi.

Budan buryn Qaraǵandy oblysynda sáýir aıynda qatty jel men shańdy daýyl kútiletinin jazǵan edik.