Sınoptıkter qazannyń 9-y kúngi aýa raıy boljamyn jarııa etti
NUR-SULTAN. QazAqparat – Búgin Qazaqstannyń basym bóliginde kún ashyq bolady, dep habarlaıdy QazAqparat «Qazgıdromet» RMK málimetterine súıene otyryp.
«Qazgıdromet» RMK málimetterine qaraǵanda, 9 qazan kúni elimizdiń basym bóligi joǵary qysymnyń yqpalynda bolady. Soǵan baılanysty kún jaýyn-shashynsyz bolady. Tek batysta jáne ońtústik-batysta ǵana atmosferalyq frontaldy bólikterdiń ótýine baılanysty jańbyr jaýady. Batys aımaqtarda da jaýyn jaýýy múmkin.
Respýblıkanyń keı jerlerde tuman túsip, ońtústik-shyǵysta jeldiń jyldamdyǵy sekýndyna 15-20 metrge jetedi.
Almaty oblysynyń keı jerlerinde naızaǵaı oınap, jel sekýndyna 15-20 metr jylamdyqpen soǵady.
Mańǵystaý, Atyraý, Batys Qazaqstan oblystarynda, túnde jáne tańerteń Soltústik Qazaqstan, Aqtóbe oblystarynyń keı jerlerinde tuman bolady.
Túrkistan oblysynyń basym bóliginde, Qyzylorda oblysynyń shyǵysynda, Jambyl oblysynyń batysynda, Qaraǵandy oblysynyń ońtústik-shyǵys bóliginde, Batys Qazaqstan oblysynyń ontústik-shyǵysynda, Shyǵys Qazaqstan oblysynyń soltústik-shyǵys bóliginde óte joǵary órt qaýipi saqtalady.
