Sınoptıkter Qazaqstannyń batysynda 38 gradýs, ońtústiginde 30 gradýsqa deıin aıaz bolady dep boljaýda
ASTANA. 23 aqpan. QazAqparat - Erteń, 24 aqpan kúni, Qazaqstannyń batysynda 38 gradýs, ońtústiginde 30 gradýsqa deıin aıaz bolady dep boljanýda, dep habarlaıdy «Qazgıdromet» RMK baspasóz qyzmeti.
Almaty, Jambyl oblystarynyń keı jerlerinde tuman, kóktaıǵaq bolady jáne jyldamdyǵy sekýndyna 17-22 metrge jetetin jel soǵatyndyǵy boljanýda. Al Jambyl oblysynyń taý asýlarynda jeldiń qýaty sekýndyna 25 metrge jetedi.
Qyzylorda, Pavlodar, Aqtóbe, Qostanaı oblystarynda tuman túsedi. Ońtústik Qazaqstan oblysynyń da keı jerlerinde tuman túsip, kóktaıǵaq bolady.
Mańǵystaý oblysynyń keı óńirinde boran soǵyp, jel jyldamdyǵy sekýndyna 15-20 metrge jetedi jáne 23-28 gradýstyq aıaz bolady. Ońtústik Qazaqstan oblysynda 25-30 gradýs aıaz bolmaq. Aqtóbe men Atyraý oblystarynda túnde 31-38 gradýstyq kúshti aıaz saqtalady.
