Sınoptıkter Qazaqstannyń basym óńirinde eskertý jarııalady

ASTANA. QazAqparat – «Qazgıdromet» RMK 8 sáýirde aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Túnde jáne tańerteń Mańǵystaý oblysynyń batysynda, ońtústigi men ortalyǵynda naızaǵaı kútiledi. Tańerteń jáne kúndiz oblystyń batysynda tuman bolady.

Aqtóbe oblysynyń shyǵysy men ortalyǵynda soltústik-shyǵystan jel soǵady, ekpini 15-20 m/s quraıdy.

Aqmola oblysynyń soltústigi men shyǵysyn tuman basady.

Batys Qazaqstan oblysynda jel soltústik-shyǵystan, shyǵystan soǵady, kúndiz óńirdiń soltústigi men shyǵysynda jyldamdyǵy 15-20 m/s quraıdy.

Túnde Almaty oblysynyń ońtústiginde, shyǵysy men taýly aýdandarynda keı ýaqytta qatty jaýyn-shashyn (jańbyr, qar) kútiledi. Óńirdiń ońtústiginde, shyǵysynda, taýly aýdandarynda ekpini 17-22 m/s quraıdy.

Túnde jáne tańerteń Atyraý oblysynyń batysy men ońtústiginde tuman bolyp, kúndiz óńirdiń batysynda, ońtústigi men shyǵysynda naızaǵaı boljanady. Shyǵystan, soltústik-shyǵystan jel soǵady, oblystyń soltústiginde ekpini 15-20 m/s quraıdy.

Kúndiz Qyzylorda oblysynyń soltústigi men ortalyǵynda naızaǵaı oınap, soltústik-shyǵystan jel soǵady, kúshi 15-20 m/s quraıdy.

Túnde jáne tańerteń Soltústik Qazaqstan oblysynyń soltústiginde tuman kútiledi. Soltústik-batystan, batystan jel soǵady, túnde óńirdiń ońtústik-batysynda, kúndiz soltústiginde ekpini 15-20 m/s quraıdy.

Túnde Jetisý oblysynyń taýly aýdandarynda qatty jaýyn-shashyn (jańbyr, qar) kútiledi. Oblystyń ońtústiginde, shyǵysy men taýly aýdandarynda soltústik-shyǵystan jel soǵady, kúshi 25 m/s jetedi.

Qostanaı oblysynyń soltústigi men shyǵysynda tuman boljanady. Soltústik-shyǵystan jel soǵady, oblystyń ońtústiginde ekpini 15-20 m/s quraıdy.

Kúndiz Jambyl oblysynyń taýly aýdandarynda qatty jańbyr jaýady. 8-9 sáýirde oblystyń ońtústiginde, taýly aýdandarynda naızaǵaı, 8 sáýirde burshaq kútiledi. Jeldiń jyldamdyǵy - 15-20 m/s.