Sınoptıkter Qazaqstannyń birqatar óńirinde aýa raıyna baılanysty eskertý jarııalady

ASTANA. KAZINFORM – Astana men 6 oblysta aýa raıyna baılanysty eskertý jarııalandy, dep habarlaıdy «Qazgıdromet» RMK-sy.

Kásiporyn taratqan derekterge qaraǵanda, 3 naýryz kúni Astana men Batys Qazaqstan oblysynda tuman túsedi.

Soltústik Qazaqstan oblysynda qar jaýyp, burqasyn soǵady.

Aqmola oblysynda jaıaý burqasyn soǵyp, tuman túsedi.

Jetisý oblysynda tuman túsip, ekpindi jel soǵady.

Túrkistan oblysynda ekpindi jel soǵyp, jaýyn jaýady.

Óskemen men Rıdderde jaısyz meteorologııalyq jaǵdaılar qalyptasý yqtımaldylyǵyna baılanysty ekinshi dárejeli eskertý jarııalandy.