Sınoptıkter Qazaqstannyń basym bóliginde aýa raıyna baılanysty eskertý jarııalady

ASTANA. KAZINFORM – Sınoptıkter respýblıkanyń 12 oblysynda kún raıyna baılanysty eskertý jarııalady.

26 sáýirde túnde Ulytaý oblysynyń batysynda, shyǵysynda jáne ońtústiginde naızaǵaı jarqyldaıdy. Shyǵystan jel soǵyp, kúndiz oblystyń shyǵysynda ekpini 15-20 m/s deıin jetedi. Túnde oblystyń shyǵysynda 2 gradýs aıaz bolady.

Qaraǵandy oblysynda soltústik-shyǵystan, shyǵystan jel soǵyp, ońtústiginde ekpini 15-20 m/s deıin jetedi.

Túnde Jetisý oblysynyń taýly aýdandarynda qatty jaýyn-shashyn (jańbyr, qar) bolady. Oblystyń ońtústiginde, shyǵysynda, taýly aımaqtarynda naızaǵaı oınap, burshaq jaýyp, daýyl soǵýy yqtımal.

Shyǵysta, ońtústikte, oblys ortalyǵynda soltústik-shyǵystan jel soǵyp, ekpini 15-20 m/s, Alakól kólderi mańynda keı jerlerde 23-28 m/s deıin jetedi.

Taldyqorǵanda 26 sáýirde kúndiz soltústik-shyǵystan 15-20 m/s jyldamdyqpen jel soǵady.

Qyzylorda oblysynyń ortalyǵynda túnde jáne tańerteń shyǵysta naızaǵaı oınap, daýyl soǵady. Soltústik-shyǵystan jel soǵyp, oblystyń soltústik, shyǵys, ortalyǵynda ekpini 15-20 m/s bolady. Oblys ortalyǵynda, shyǵysynda jáne batysynda órt qaýpi saqtalyp otyr.

Qyzylorda qalasynda 26 sáýirde soltústik-shyǵystan jel turyp, kúndiz ekpini 15-20 m/s jetýi yqımal. Órt shyǵý qaýpi áli de joǵary.

26 sáýirde Almaty oblysynyń ońtústiginde túnde jáne tańerteń qatty jańbyr, oblystyń taýly aýdandarynda qatty jaýyn-shashyn (jańbyr, qar) bolady. Oblystyń soltústiginde, ońtústiginde, taýly aımaqtarynda naızaǵaı oınap, burshaq jaýady, daýyl soǵady. Soltústik-batystan jel soǵyp, soltústikte, ońtústikte, oblystyń taýly aımaqtarynda ekpini 15-20, keı jerlerde 23-28 m/s deıin kúsheıedi.

Almatyda 26 sáýirde túnde jáne tańerteń qatty jańbyr jaýady. Keı kezderi naızaǵaı oınaýy yqtımal. Soltústik-batystan jel soǵyp, naızaǵaı kezinde ekpini 15-20 m/s deıin jetedi.

Qonaev qalasynda 26 sáýirde túnde jáne tańerteń naızaǵaı jarqyldaıdy. Soltústik-batystan jel soǵyp, naızaǵaı kezinde 15-20 m/s, ekpini 25 m/s deıin jetedi.

Aqmola oblysynyń batysynda, ońtústiginde, shyǵysynda shyǵystan soǵatyn jeldiń ekpini – 15-20 m/s.

Mańǵystaý oblysynyń basym bóliginde órt shyǵý qaýpi áli de joǵary.

Atyraý oblysynyń batysynda túnde jáne tańerteń tuman túsedi.

Aqtóbe oblysynda shyǵystan, soltústik-shyǵystan jel soǵyp, ońtústikte, oblystyń ońtústiginde, shyǵysynda kúndiz ekpini 16 m/s deıin jetedi.

26 sáýirde Abaı aýdanynyń soltústik, shyǵys, oblys ortalyǵynda soltústik-shyǵystan soǵatyn jeldiń jyldamdyǵy sekýndyna 15-20 metrge deıin jetedi, kúndiz ekpini 23 m/s. Sol kúni Semeıde soltústik-shyǵystan soǵatyn jeldiń ekpini kúndiz 15-18 m/s deıin jetýi yqtımal.

Shyǵys Qazaqstan oblysynda tańerteń jáne kúndiz soltústikte, ońtústikte, oblys ortalyǵynda soltústik-shyǵystan soǵatyn jeldiń kúshi 15-20 m/s deıin jetedi. Óskemende 26 sáýir kúni soltústikten, kúndiz soltústik-shyǵystan ekpini 15-18 m/s jel soǵady dep boljanyp otyr.

26 sáýirde Túrkistan oblysynyń taýly aımaqtarynda qatty jańbyr, burshaq jaýýy múmkin. Oblystyń soltústik, batys, ońtústik, taýly jáne taý bókterindegi aýdandarynda keı kezderi naızaǵaı oınap, daýyl soǵady. Shymkentte 26 sáýirde keı jerlerde naızaǵaı oınap, daýyl soǵady. Soltústik-batystan jel soǵyp, naızaǵaı kezinde baǵytyn soltústik-shyǵysqa aýystyrady, ekpini 15-20 m/s.

Túrkistan qalasynda 26 sáýirde keı jerlerde naızaǵaı oınap, daýyl soǵady. Soltústik-batystan jel turyp, naızaǵaı kezinde baǵyty soltústik-shyǵysqa aýysady, ekpini 15-20 m/s.