Sınoptıkter Qazaqstannyń 7 qalasy turǵyndaryna eskertý joldady

ASTANA. KAZINFORM — 18 qazanda Qazaqstannyń kópshilik qalalarynda qolaıly meteorologııalyq jaǵdaı kútiledi, dep habarlaıdy Kazinform agenttigi «Qazgıdromet» RMK-ǵa silteme jasap.

Sınoptıkterdiń málimetine súıensek, 18 qazan kúni qolaısyz meteojaǵdaılar Aqtóbe, Almaty, Rıdder, Semeı, Óskemen, Oral qalalarynda, sondaı-aq túngi ýaqytta Atyraýda kútiledi.

Qolaısyz meteorologııalyq jaǵdaılar (QMJ) – bul zııandy (lastaýshy) zattardyń jer betine jaqyn atmosfera qabatynda jınalýyna yqpal etetin qysqa merzimdi meteorologııalyq faktorlardyń (tynysh aýa raıy, álsiz jel, tuman, ınversııa) úılesimi. QMJ oryn alǵan jaǵdaıda eldi mekenderdegi atmosferalyq aýanyń sapasy nasharlap, bul halyqtyń densaýlyǵyna áser etýi múmkin.

Aýa sapasynyń lastaný deńgeıiniń qalyptasýyna áser etetin negizgi faktorlardyń biri — sınoptıkalyq jaǵdaıdyń (jel, jaýyn-shashyn, ylǵaldylyq, aýa temperatýrasy) boljamy sanalady.

Eske sala keteıik, 18 qazan kúngi Qazaqstannyń eki oblysynda úsik júrýi múmkin ekenin habarlaǵanbyz.