Sınoptıkter Qazaqstannyń 15 oblysynda aýa raıyna baılanysty eskertý jarııalady

ASTANA. KAZINFORM – Sınoptıkter Qazaqstannyń 15 oblysynda aýa raıyna baılanysty eskertý jarııalady. Bul týraly «Qazgıdromet» RMK baspasóz qyzmeti habar taratty.

7 qazanda ońtústikte, Jambyl oblysynyń taýly aımaqtarynda naızaǵaı oınap, kún kúrkireıdi.

Atyraý oblysynda kúndiz oblystyń batysynda jáne soltústiginde ońtústik-shyǵystan jel soǵady, ekpini 15-20 m/s jetedi. Oblystyń basym bóliginde joǵary órt qaýpi saqtalady.

Aqmola oblysynyń basym bóliginde joǵary órt qaýpi saqtalady.

Batys Qazaqstan oblysynda ońtústikten, ońtústik-shyǵystan, kúndiz batystan jel soǵady, ekpini 15-20 m/s. Oblystyń soltústiginde joǵary órt qaýpi saqtalady.

Ulytaý oblysynyń basym bóliginde, oblystyń shyǵysynda joǵary órt qaýpi saqtalady.

Qaraǵandy oblysynyń basym bóliginde, oblystyń batysynda jáne shyǵysynda joǵary órt qaýpi saqtalady.

Soltústik Qazaqstan oblysynda soltústik-batystan jel soǵady, kúndiz oblystyń soltústigi men shyǵysynda ekpini 15-20 m/s jetedi.

Kúndiz Abaı oblysynyń ońtústiginde, shyǵysynda jáne ortalyǵynda naızaǵaı oınap, kún kúrkireıdi. Ońtústik-batystan soqqan jel soltústik-batys jeline aýysady, oblys ortalyǵynda jel jyldamdyǵy 15-20 m/s. Óńirde joǵary órt qaýpi saqtalady.

Shyǵys Qazaqstan oblysynyń shyǵysynda kúndiz nóser jaýan jaýady. Ońtústikten soqqan jel oblystyń soltústigi men shyǵysynda soltústik-batys jeline aýysady, jyldamdyǵy 15-20 m/s. Oblystyń soltústiginde, ońtústiginde jáne batysynda joǵary órt qaýpi saqtalady.

Túrkistan oblysynyń basym bóliginde joǵary (5-klasty) órt qaýpi saqtalady.

Qostanaı oblysynyń batysynda jáne ońtústik-shyǵysynda joǵary órt qaýpi saqtalady. Oblystyń ońtústiginde asa joǵary órt qaýpi saqtalady.

Kúndiz batysta, Mańǵystaý oblysynyń ortalyǵynda daýyl soǵady. Kúndiz ońtústik-shyǵystan soǵatyn jel jyldamdyǵy oblys ortalyǵynda 15-20 m/s jetedi. Oblystyń ońtústik-batysynda jáne ońtústik-shyǵysynda joǵary órt qaýpi saqtalady.

Pavlodar oblysynyń soltústiginde jáne shyǵysynda soltústik-batystan jel soǵyp, jyldamdyǵy 15-20 m/s jetedi. Oblystyń batysynda, ońtústiginde jáne shyǵysynda joǵary órt qaýpi saqtalady.

Kúndiz Jetisý oblysynyń taýly aımaqtarynda keı jerlerde qatty jaýyn-shashyn (jańbyr, qar) bolýy múmkin. Kúndiz shyǵysta, oblys ortalyǵynda naızaǵaı oınaıdy. Soltústik-shyǵystan jel soǵady, oblystyń shyǵysynda ekpini 15-20 m/s.

Kúndiz Almaty oblysynyń taýly aımaqtarynda keı jerlerde qatty jaýyn-shashyn (jańbyr, qar) kútiledi. Ońtústikte, oblystyń taý bókterinde naızaǵaı oınaıdy. Batystan soltústik-shyǵysqa qaraı jel soǵady, oblystyń ońtústik jartysynda ekpini 15-20 m/s.