Sınoptıkter: Qazaqstanda jańbyr jaýyp, aýa temperatýrasy tómendeıdi
ASTANA. QazAqparat - Sınoptıkter 20-22 qyrkúıek aralyǵynda Qazaqstandaǵy aýa raıy boljamyn usyndy, dep habarlaıdy QazAqparat.
«Birneshe kúnge jalǵasqan jyly jáne qurǵaq aýa raıynan keıin respýblıkanyń soltústik oblystaryna atmosferalyq fronttarmen tsıklon keletin bolady. Sondyqtan, aldaǵy úsh táýlikte soltústik, sondaı-aq ortalyq oblystardyń keı jerlerinde jańbyr jaýyp, 22 qyrkúıekte qatty jaýyn-shashyn bolýy múmkin», - delingen «Qazgıdromet» RMK habarlamasynda.
Tsıklonmen baılanysty sýyq aýa aǵyndarynyń yqpalymen Qazaqstannyń ońtústik jáne ońtústik-shyǵys oblystarynda kún kúrkirep, jańbyr jaýady. Sondaı-aq, aýa temperatýrasy osy kezeńdegi qalypty temperatýradan 2...4°S tómen bolady.
