Sınoptıkter Qazaqstanda aýa raıy turaqsyz sıpatta bolady dep boljaýda
ASTANA. 23 aqpan. QazAqparat - Qazaqstan aýmaǵynyń basym bóliginde búgin aýa raıynyń turaqsyz sıpaty shamalanady, dep habarlaıdy Qazgıdrometke silteme jasaǵan TJM-niń baspasóz qyzmetinen.
Keıbir jerlerde jaýyn-shashyn, tuman, kóktaıǵaq, jeldiń kúsheıýi, respýblıkanyń soltústigi men shyǵysynda burqasyn bolady dep kútilýde.
Qostanaı oblysynda túnde keıbir jerlerde tuman, jeldiń 15-20 m/s jyldamdyqpen soǵýy kútiledi. Pavlodar, Qaraǵandy oblystarynyń keıbir jerlerinde kúndiz burqasyn, jeldiń 15-20 m/s deıin kúsheıýi yqtımal.
Shyǵys Qazaqstan oblysynda túnde keıbir jerlerde burqasyn, kúndiz jeldiń 15-20 m/s jyldamdyqpen soǵýy kútilýde.
Almaty, Jambyl, Ońtústik Qazaqstan, Atyraý, Mańǵystaý oblystarynyń keıbir jerlerinde tuman, kóktaıǵaq bolady.
Qyzylorda, Batys Qazaqstan oblystarynda, túnde Aqtóbe oblysynyń keıbir jerlerinde tuman túsedi.
Aldaǵy úsh táýlikte respýblıkanyń ońtústik, ońtústik-shyǵys jáne shyǵysyndaǵy jekelegen ózenderde sý deńgeıiniń aýytqýy kútiledi. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister kútilmeýde.
