Sınoptıkter Qazaqstanda 29 shilde kúni bolatyn aýa raıy boljamyn jarııa etti
ASTANA. QazAqparat - Qazaqstannyń basym bóliginde jaýyn-shashyn bolmaıdy.
Tek eldiń soltústigi men shyǵysynda ǵana keı jerlerde ótkinshi jańbyr jaýady. Naızaǵaı oınap, jel kúsheıedi, ońtústik óńirde jel shańdy daýylǵa ulasady. Túnde jáne kúndiz soltústikte, ortalyqta jáne shyǵysta tuman túsedi. Kúndiz soltústikte burshaq jaýýy da yqtımal, dep habarlaıdy «QazAqparat» HAA «Qazgıdromet» RMK-nyń málimetterine súıene otyryp.
«Túrkistan, tań ata jáne kúndiz Qyzylorda, oblystarynyń keı jerlerinde jeldiń jyldamdyǵy sekýndyna15-20 metrge jetip, arty shańdy daýylǵa ulasady. Tań ata jáne kúndiz naızaǵaı oınap, burshaq jaýýy yqtımal. Shyǵys Qazaqstan, Qaraǵandy, Soltústik Qazaqstan oblystarynda kúndiz jel sekýndyna 15-20 metr jyldamdyqpen soǵady. Túnde jáne kúndiz keı jerlerge tuman túsedi. Shyǵys Qazaqstan, Soltúsik Qazaqstan oblystarynda kúndiz naızaǵaı oınap, burshaq jaýýy yqtımal»,-delingen «Qazgıdromet» habarlamasynda.
Pavlodar oblysynyń keı jerlerinde naızaǵaı oınap, burshaq jaýýy múmkin. Jeldiń jyldamdyǵy sekýndyna 18 metr bolady.
Qostanaı oblysynda naızaǵaı oınap, tuman túsip, jeldiń kúshi sekýndyna 15-20 metrge jetedi.
Aqmola oblysynda naızaǵaı oınap, burshaq jaýýy múmkin.
Batys Qazaqstan oblysynda kúndiz keı jerlerde jeldiń jyldamdyǵy sekýndyna 15-20 metrge jetedi.
Mańǵystaý, Atyraý, Aqtóbe, Batys Qazaqstan oblystary men Qostanaı, Qaraǵandy oblystarynyń keı jerlerinde aptap ystyq bolady.
Qyzylorda, Túrkistan oblystarynda jáne Aqtóbe, Atyraý, Batys Qazaqstan, Mańǵystaý, Qostanaı, Qaraǵandy, Jambyl, Almaty oblystarynyń keı jerlerinde kún qatty ysyp, órt qaýpi týyndaıdy.
