Sınoptıkter Qazaqstan aýmaǵynda aldaǵy úsh táýlikte bolatyn aýa raıy boljamyn jarııa etti
ASTANA. QazAqparat - Qazaqstanǵa aýysqan antıtsıklon aldaǵy úsh táýliktegi, ıaǵnı 2019 jyldyń 19-21 naýryzyndaǵy aýa raıyna yqpal etedi, dep habarlaıdy QazAqparat «Qazgıdromet» RMK-ǵa silteme jasap.
Respýblıkanyń kóptegen oblystarynda kún jaýyn-shashynsyz bolady. Biraq, túnde jáne tańerteń burynǵysha tuman túsip, 500 metrlik jol ǵana kórinýi múmkin.
Tek qıyr batys pen ońtústiktegi aýdandar atmosferalyq aǵyndardyń yqpalynda bolyp, jaýyn-shashyn bolady. Ońtústikte ótkinshi jańbyr jaýyp, naızaǵaı oınaıdy.
Aýa temperatýrasy ortasha kópjyldyq kórsetkishke jaqyn, ońtústikte odan 5...7°S-qa joǵary bolady.
