Sınoptıkter qarashanyń 30-y kúni bolatyn aýa raıy boljamyn jarııalady
ASTANA. QazAqparat - Qarashanyń 30-y kúni Qazaqstannyń aýmaǵy belsendi frontaldy aımaqtyń yqpalynda bolady. Osyǵan qaraı respýblıkanyń basym bóliginde jaýyn-shashyn bolyp, jel kúsheıedi, dep habarlaıdy «Qazgıdromet» RMK-sy.
Kásiporyn málimetterine qaraǵanda, búgin elimizdiń soltústiginde burqasyn bolady, respýblıkanyń keı jerlerinde tuman túsip, kóktaıǵaq bolýy yqtımal.
Jambyl oblysynyń keı jerlerinde jel sekýndyna 15-20 metr jyldamdyqpen soǵady, ekpini 23-28 metrge jetýi múmkin. Keı jerlerde tipti 30 m/s-qa deıin barady. Oblystyń keı jerlerinde tuman túsip, kóktaıǵaq, burqasyn bolady.
Shyǵys-Qazaqstan oblysynda jeldiń jyldamyǵy sekýndyna 15-20 metr bolady, keı jerlerde 23-28 metrge deıin jetedi. Ekpini 30 m/s bolady, keı jerlerde burqasyn, kóktaıǵaq bolýy yqtımal.
Qaraǵandy oblysynda jel sekýndyna 15-20 jyldamdyqpen soǵyp, ekpini 25 metrge jetedi. Keı jerlerde burqasyn bolýy múmkin.
Túrkistan oblysynyń birqatar aımaqtarynda jel 15-20 metr jyldamdyqpen uıtqıdy, tańerteń jáne kúndiz jeldiń ekpini 23-28 m/s-qa jetýi múmkin. Keı jerlerde tuman túsip, kúndiz kóktaıǵaq, burqasyn bolady.
Almaty oblysynyń birqatar aımaqtaryna jel 15-20 m/s jyldamdyqpen soǵady, kúndiz ekpini 23-28 m/s-ke jetýi yqtımal. Túnde keı jerlerde tuman túsip, kúndiz keı jerlerde burqasyn, kóktaıǵaq bolady.
Qostanaı, Soltústik Qazaqstan oblystarynyń keı jerlerinde jel 15-20 m/s-qa jetip, tuman túsip, jaıaý burqasyn soǵady.
Qyzylorda oblysynyń birqatar aýmaqtarynda jeldiń jyldamdyǵy sekýndyna 15-20 metrge jetedi. Sondaı-aq tuman túsip, kóktaıǵaq bolady.
Batys Qazaqstan, Aqtóbe oblystarynyń keı jerlerinde tuman túsedi.
Pavlodar oblysynda burqasyn, keı jerlerde kóktaıǵaq bolady.
Túnde Mańǵystaý oblysynyń keı jerlerinde jel 15-20 m/s kúsheıedi.
Osyǵan deıin Soltústik Qazaqstan oblysynda demalys kúnderi aıaz bolatynyn habarlaǵanbyz.
