Sınoptıkter qańtardyń 17-ne arnalǵan aýa raıy boljamyn jarııa etti
NUR-SULTAN. QazAqparat - Tsıklon jáne onymen baılanysty atmosferalyq frontaldy bólikter Qazaqstan Respýblıkasynyń soltústik jartysyna áser etedi.
Sonyń saldarynan elimizdiń basym bóliginde jaýyn jaýyp, soltústik-batysta jáne shyǵysta jaýyn-shashyn mol kólemde jaýady, keı óńirlerde qalyń qar túsedi, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, 17 qańtar kúni elimizdiń ońtústik jartysyna joǵary qysym aımaǵy áser etip, kún jaýyn-shashynsyz bolady. Respýblıkanyń keı jerlerinde burqasyn, tuman, kóktaıǵaq bolyp, ekpindi jel soǵady.
Qostanaı, Aqmola, Pavlodar oblystarynda burqasyn, Pavlodar oblysynyń keı jerlerinde qatty burqasyn bolady. Jel sekýndyna 15-20 metr, keı jerlerinde 23-28 m/s jyldamdyqpen soǵady.
Aqmola, Pavlodar oblystarynda jeldiń jyldamdyǵy sekýndyna 30 metrge jetedi, keı jerlerde kóktaıǵaq bolady, Qostanaı oblysynda tuman túsedi.
Soltústik Qazaqstan, Qaraǵandy oblystarynda jel sekýndyna 15-20 metr jyldamdyqpen uıtqıdy, keı jerlerinde 23-28 metrge deıin jetýi múmkin. Soltústik Qazaqstan oblysynda jeldiń ekpini sekýndyna 30 metrge jetedi, keı jerlerde odan da joǵary bolýy yqtımal. Óńirdiń birqatar aýmaqtarynda burqasyn, kóktaıǵaq bolady.
Batys Qazaqstan, Aqtóbe oblystarynyń keı jerlerinde tuman túsip, kóktaıǵaq, burqasyn bolady, jeldiń jyldamdyǵy sekýndyna 15-20 metrge deıin kúsheıedi.
Almaty, Jambyl oblystarynyń keı jerlerinde tuman túsip, kóktaıǵaq bolady.
Jambyl oblysynyń keı jerlerinde jaıaý burqasyn bolýy yqtımal.
Shyǵys Qazaqstan oblysynyń keı jerlerinde burqasyn bolady, jel sekýndyna 15-20 metr jyldamdyqpen esedi, ekpini 23-28 m/s-qa jetedi.
Túrkistan, Qyzylorda, Manǵystaý, Atyraý oblystarynyń keı jerlerinde tuman bolady.
Qyzylorda oblysynyń keı jerlerinde tańerteń jáne kúndiz 15-20 m/s jyldamdyqpen jel soǵady.
