Sınoptıkter qańtarda Almatyda aýa raıy qandaı bolatynyn aıtyp berdi
ALMATY. QazAqparat - Almatyda qańtar aıynda qysqa merzimge sozylatyn jylymyq túsedi, dep habarlaıdy QazAqparat tilshisi.
Alaıda meteorologtar aıazdardyń 1 aptadaı saqtalatynyn boljap otyr.
«Sibir antıtsıklonynyń yqpaly Qazaqstannyń kóptegen oblystarynda bilinedi. Almaty men Almaty oblysynda jaqyn aradaǵy 3 táýlikte kún ala bultty, jaýyn-shashynsyz bolmaq. Aýa temperatýrasy túnde -12,-17 gradýsqa tómendese, kúndiz -3, -8 gradýs sýyq bolady. Keı jerlerde tuman men kóktaıǵaq bolady», - dedi «Kazgıdromet» RMK-nyń Almaty boıynsha bólimshesiniń bas mamany Larısa Stepanova.
8 qańtardan bastap aımaqta aýa temperatýrasy kóterile bastaıdy.
Aýa temperatýrasy túnde -5, -10 gradýs bolsa, kúndiz 0, -5 gradýs shamasynda saqtalady.
Almatynyń aýa basseıniniń birqatar faktorlaryna baılanysty qalada aýa raıy +1, +2 bolady.
Al qysqy qatty aıazdar qarsańynda soltústik oblystarda túnde -25,-30 gradýs, kúndiz - -20, 25 gradýs aıaz bolady. Al ońtústikte túnde aıaz -17, -22 gradýsqa jetse, kúndiz - 10, 15 gradýs sýyq bolady.
