Sınoptıkter elordalyqtarǵa aýa-raıy boljamy qalaı jasalatynyn kórsetedi
ASTANA. QazAqparat - 95 jylda Qazgıdromet alǵashqy ret óz esigin kelýshilerge ashady, dep habarlaıdy ulttyq gıdrometeorologııalyq mekemeniń baspasóz qyzmeti.
12 jáne 13 naýryzda Qazgıdromet Astana turǵyndary men qonaqtaryn ashyq esik kúnine shaqyrdy. Sınoptıkter osylaısha ulttyq gıdrometeorologııalyq qyzmettiń zamanaýı qoǵamdaǵy rólin túsindirmek.
Qazgıdromet qyzmetkerleri ekskýrsııa júrgizedi, onda aýa-raıy boljamy qalaı jasalatynyn, Qazaqstan klımatynyń qalaı ózgerip jatqanyn, sý tasqynynan ne kútýge bolatynyn, basqa da kóp aqparat aıtylady. Qonaqtar ózderin qyzyqtyrǵan suraqtardy qoıa alady, al eń belsendi qatysýshylarǵa aýa raıy boljamy syılyqqa beriledi.
Sondaı-aq kelýshilerge Qazgıdromet mamandary paıdalanatyn zamanaýı qural-jabdyqtar tanystyrylady. Foıede 20-shy ǵasyrdyń murajaı eksponattary - qural- jabdyqtar men aspaptar, muraǵattyq qujattar men sýretter usynylady.
Qazgıdromet keńsesi Máńgilik eli kóshesi 11/1 mekenjaıynda (burynǵy Orynbor kóshesi) ornalasqan.
Jeksenbi, 12 naýryzda ekskýrsııa saǵat 11:00-den 17:00-ge deıin, úzilissiz, ár saǵat saıyn ótedi, sońǵy ekskýrsııa saǵat 16:00-de bastalady.
Dúısenbi, 13 naýryzdaǵy ekskýrsııa saǵat 11:00-den 17:00-ge deıin ár saǵat saıyn, 13:00-den bastap bir saǵat túski asqa úzilis, sońǵy ekskýrsııa 16:00-de bastalady.
