Sınoptıkter elordada jáne taǵy eki óńirde eskertý jarııalady
NUR-SULTA. QazAqparat – «Qazgıdromet» RMK aýa raıynyń buzylýyna baılanysty 16 maýsymǵa birneshe óńirde eskertý jarııalady, dep habarlaıdy QazAqparat.
Atap aıtqanda, Nur-Sultan qalasynda tańerteń jáne kúndiz soltústik-shyǵystan soǵatyn jeldiń ekpini 15-20 m/s kúsheıetini kútiledi.
Aqmola oblysynda keı jerlerde naızaǵaı oınap, soltústik-shyǵystan soǵatyn jeldiń kúshi 15-20 m/s artady. Óńirdiń basym bóliginde óte joǵary órt qaýpi saqtalady.
Qyzylorda oblysynda soltústik-shyǵystan, soltústikten 15-20 m/s jyldamdyqta jel soǵady. Ekpini keı jerlerde 23 m/s jetedi. Shańdy daýyl saqtalady.
Eske salaıyq, «Qazgıdromet» aldaǵy úsh kúnde aýa temperatýrasy -5 gradýsqa deıin tómendeıtinin málim etken bolatyn.
