Sınoptıkter elordada jáne ózge 5 óńirde eskertý jarııalady
NUR-SULTAN. QazAqparat – Aýa raıynyń nasharlaýyna baılanysty 21 naýryzǵa birneshe óńirde eskertý jarııalandy, dep habarlaıdy QazAqparat.
«Qazgıdromet» RMK málimetinshe, Qostanaı oblysynda jaýyn-shashyn (jańbyr, jylbysqy qar), tuman kútiledi. Ońtústik-batystan soǵatyn jel soltústik-batysqa aýysyp, kúshi túnde keı jerlerde 15-20, kúndiz 23 m/s artýy yqtımal.
Túrkistan oblysynyń taýly aýdandarynda tańerteń jáne kúndiz qatty jańbyr boljanady. Keı jerlerde naızaǵaı oınap, ońtústik-batystan, batystan soǵatyn jeldiń kúshi 15-20 m/s jetedi.
Shymkent qalasynda keı ýaqytta naızaǵaı oınap, túnde jáne tańerteń ońtústik-batystan, batystan ekpini 15-20 m/s jel soǵady.
Aqmola oblysynda túnde jaýyn-shashyn (jańbyr, qar), kúndiz jańbyr kútiledi. Ońtústikten, ońtústik-batystan jel soǵady, keı jerlerde kúshi 15-20 m/s kúsheıedi.
Nur-Sultan qalasynda ońtústikten, ońtústik-batystan jel soǵady, kúnniń ekinshi bóliginde onyń jyldamdyǵy 15-20 m/s artady.
Mańǵystaý oblysynda keı jerlerde tuman kútiledi. Soltústik-batystan jel soǵady, túnde ekpini 15-20 m/s bolady.
