Sınoptıkter elordada jáne 5 óńirde eskertý jarııalady
NUR-SULTAN. QazAqparat – «Qazgıdromet» RMK 3 shilde kúni aýa raıynyń nasharlaýyna baılanysty birneshe óńirde eskertý jarııalady, dep habarlaıdy QazAqparat.
Atap aıtqanda, Nur-Sultan qalasynda keı ýaqytta qatty jańbyr jaýyp, naızaǵaı, burshaq kútiledi. Soltústik-shyǵystan 15-20 m/s kúshpen jel soǵady.
Soltústik Qazaqstan oblysynyń basym bóliginde jańbyr kútiledi. Sondaı-aq naızaǵaı, burshaq boljanady.
Shyǵys Qazaqstan oblysynyń keı jerlerinde naızaǵaı, daýyl, burshak bolady. Ońtústik-shyǵystan soqqan jel ońtústik-batysqa aýysyp, kúndiz ekpini 25 m/s artady.
Qostanaı oblysynyń keı jerlerinde naızaǵaı, túnde jáne tańerteń tuman kútiledi. Soltústik-batystan jel soǵady, kúshi kúndiz 15-20 m/s kúsheıedi.
Aqmola oblysynyń keı jerlerinde qatty jańbyr, naızaǵaı, daýyl, burshaq boljanady. Soltústik-shyǵystan soǵatyn jel soltústik-batysqa aýysady, jyldamdyǵy - 15-20 m/s.
Batys Qazaqstan oblysynyń keı jerlerinde naızaǵaı oınap, burshaq jaýady. Ońtústik-batystan, batystan soǵatyn jeldiń kúshi túnde 15-20 m/s artady.
