Sınoptıkter elordada aýa raıynyń buzylý sebebin túsindirdi
ASTANA. QazAqparat - Qazaqstanǵa sýyq pen jańbyr Batys Sibirden keldi, dep habarlaıdy elorda ákimdiginiń medıa ortalyǵy.
Astana qalasy men Aqmola oblysy qazirgi ýaqytta atmosferalyq frontpen baılanysty tsıklonnyń áserinde, dep málimdedi «Qazgıdromet» RMK aýa raıyn qysqa merzimdi boljaý basqarmasynyń basshysy Ardaq Kálmenova.
"Batys Sibirden dymqyl jáne sýyq aýa jetti, sol sebepti qalada jańbyr jaýyp, naızaǵaı oınady", - deıdi A.Kálmenova.
Qubylmaly aýa raıy úsh kún boıy saqtalady. Jańbyr jaýyp, naızaǵaı jarqyldaıdy. Túnde +10...+15 gradýsqa deıin salqyndap, kúndiz aýa +20...+25 gradýsqa deıin jylynady.
"Eger statıstıkalyq málimetterge nazar salsaq, ótken jyly 22, 23 jáne 27 shilde kúnderi Astanada qatty jańbyr jaýdy. Mundaı aýa raıy jaz mezgili kezinde Qazaqstannyń soltústik aımaqtaryna tán", - dedi A.Kálmenova.
