Sınoptıkter elimizdiń basym bóliginde aýa raıyna baılanysty eskertý jarııalady
ASTANA. KAZINFORM – Qazgıdromet 13 shildege arnalǵan aýa raıy boljamyn jarııalady.
Qazaqstan aýmaǵynyń basym bóliginde atmosferalyq fronttardyń ótýimen naızaǵaı oınap, burshaq jaýyp, ekpindi jel soǵady. Elimizdiń batysynda, soltústik-batysynda, ońtústiginde, ortalyǵynda jáne ońtústik-shyǵysynda jańbyr jaýady.
Tek respýblıkanyń shyǵysynda antıtsıklon ekpinimen jaýyn-shashynsyz aýa raıy saqtalady. Respýblıka boıynsha jel kúsheıedi, túnde jáne tańerteń elimizdiń soltústigi men shyǵysynda tuman túsedi dep kútilýde.
Kúndiz Almaty oblysynda jáne Jetisý oblysynda qatty ystyq bolady. Sondaı-aq Qaraǵandy oblysynyń ońtústigi men Abaı oblysynda da qatty ystyq kútiledi.
Mańǵystaý oblysynyń soltústik-batysynda, Atyraýdyń ońtústik-shyǵysynda, Batys Qazaqstannyń ońtústik-batysynda, soltústiginde, ońtústiginde, ońtústik-shyǵysynda, batysynda, Aqtóbeniń ońtústik-shyǵysynda, soltústik-batysynda, Jambyl oblystarynyń soltústik-shyǵysynda joǵary órt qaýpi saqtalady.
Túrkistan, Mańǵystaý oblystarynda, Jambyldyń batysynda, ońtústiginde, Ulytaý oblysynyń ortalyǵynda, Qostanaıdyń ońtústiginde, ortalyǵynda, shyǵysynda, Qyzylorda oblystarynyń ońtústiginde joǵary órt qaýpi saqtalady.
