Sınoptıkter elimizdiń qalalaryndaǵy aýa sapasy týraly aıtty
NUR-SULTAN. QazAqparat – 1 sáýir kúni Qazaqstan qalalarynyń basym bóliginde jaǵymdy meteorologııalyq ahýal kútiledi, dep habarlaıdy QazAqparat.
«Qazgıdromet» RMK málimetinshe, sársenbi kúni aýa sapasynyń nasharlaýy úsh qalada – Qaraǵandy, Aqtóbe jáne Nur-Sultanda boljanady.
Ózge shaharlarda meteojaǵdaı qalypty bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
