Sınoptıkter eldiń 18 óńirinde eskertý jarııalady
«Qazgıdromet» RMK kún raıynyń buzylýyna baılanysty birqatar óńirde eskertý jarııalady, dep habarlaıdy Kazinform.
24-25 jeltoqsanda Almaty oblysynyń soltústiginde, ońtústigi men taýly aýdandarynda keı ýaqytta tuman kútiledi.
Kúndiz Aqmola oblysynyń batysy men soltústiginde – kóktaıǵaq, túnde jáne tańerteń soltústigi men shyǵysynda tuman boljanady. Joldarda kóktaıǵaq bolady.
Atyraý oblysynyń basym bóliginde – tuman, soltústigi men shyǵysynda kóktaıǵaq kútiledi.
Jetisý oblysynyń Alakól kólderi aýdanynda ońtústik-shyǵystan jel soǵady, kúndiz ekpini 25 m/s deıin jetýi yqtımal.
Kúndiz Batys Qazaqstan oblysynyń soltústigi men shyǵysynda qatty jaýyn-shashyn (jańbyr, qar) kútiledi. Óńirdiń batysynda, soltústiginde tuman, kóktaıǵaq bolady. Ońtústik-shyǵystan, ońtústikten jel soǵady, kúndiz oblystyń batysynda ekpini 15-20 m/s quraıdy.
Qyzylorda oblysynyń ortalyǵynda – tuman, kúndiz óńirdiń shyǵysynda 15-20 m/s ekpinde jel bolady.
Mańǵystaý oblysynyń batysynda, soltústigi men ortalyǵynda tuman kútiledi. Ońtústik-shyǵystan soǵatyn jel soltústik-batysqa aýysyp, túnde oblystyń ońtústigi men batysynda ekpini 15-20 m/s quraıdy.
Túnde Soltústik Qazaqstan oblysynyń batysynda, kúndiz ońtústigi men shyǵysynda kóktaıǵaq boljanady. Óńirdiń soltústigi men shyǵysynda – tuman, basym bóliginde joldarda kóktaıǵaq kútiledi.
Túnde jáne tańerteń Ulytaý oblysynyń soltústiginde tumandy bolady. Ońtústik, ońtústik-shyǵystan jel soǵady, kúndiz óńirdiń soltústigi men shyǵysynda ekpini 18 m/s quraıdy.
Kúndiz Aqtóbe oblysynyń batysy men soltústiginde kóktaıǵaq, batysy men ońtústiginde tuman kútiledi.
Abaı oblysynyń soltústigi men ortalyǵynda jaıaý burqasyn soǵyp, jeldiń kúshi 23 m/s jetýi yqtımal.
Shyǵys Qazaqstan oblysynyń batysy men ortalyǵynda jaıaý burqasyn soǵyp, jeldiń kúshi 15-20 m/s quraıdy.
Túnde jáne tańerteń Qaraǵandy oblysynyń soltústigi men shyǵysynda tuman kútiledi.
Qostanaı oblysynyń soltústiginde, batysy men shyǵysynda kóktaıǵaq, soltústigi men shyǵysynda tuman boljanady.
Tańerteń jáne kúndiz Túrkistan oblysynyń soltústiginde, batysynda, taýly jáne taý bókterli aýdandarynda ońtústikten, ońtústik-batystan jel soǵady, kúshi 15-20 m/s quraıdy.
Shymkent qalasynda tańerteń jáne kúndiz ońtústikten, ońtústik-batystan jel soǵady, ekpini 15-20 m/s quraıdy.
Túnde jáne tańerteń Pavlodar oblysynyń batysynda, soltústiginde tuman bolady.
Túnde Jambyl oblysynyń batysynda, kúndiz taýly aýdandarynda qatty jaýyn-shashyn (jańbyr, qar), kóktaıǵaq kútiledi. 24-26 jeltoqsanda oblystyń ońtústiginde, taýly aýdandarynda – tuman, 25-26 jeltoqsanda 23-28 m/s ekpinde jel boljanady.
