Sınoptıkter eldiń 6 oblysynda kún sýytatyny týraly boljam jasady
ASTANA. QazAqparat - Búgin Qostanaı, Soltústik Qazaqstan, Aqmola, Pavlodar oblystarynda kúndiz jaýyn jaýyp, keı jerlerde kúshti burshaq jaýady, soltústik-batystan esken jeldiń ekpini 25 m/s-qa jetedi. 13-14 qyrkúıekte keı jerlerde soltústik-batystan soqqan jeldiń uıtqýy 15-20 m/s-qa deıin kúsheıedi.
Bul týraly QR ІІM Tótenshe jaǵdaılar komıteti habarlady.
12-14 qyrkúıek kúnderi Qostanaı, Soltústik Qazaqstan, Aqmola oblystarynda, 13-14 qyrkúıek kúnderi Pavlodar, 14-15 qyrkúıekte - Qaraǵandy, 15-16 qyrkúıekte Shyǵys Qazaqstan oblystarynda aýanyń temperatýrasy túnde 0-5 gradýs jylylyqqa deıin tómendeıdi, keı jerlerde 3 gradýsqa deıin sýytady, kúndiz 10-15, 7 gradýsqa deıin jyly bolady.
