Sınoptıkter el qalalaryndaǵy aýa sapasy týraly aıtty
NUR-SULTAN. QazAqparat – 1 jeltoqsan kúni Qazaqstannyń 4 qalasynda qolaısyz meteorologııalyq jaǵdaı qalyptasyp, aýanyń lastanýy kútiledi, dep habarlaıdy QazAqparat.
Qazgıdromettiń málimetinshe, Qaraǵandy, Qyzylorda, Nur-Sultan, Óskemen qalalarynda jaısyz meteojaǵdaı qalyptasady.
Qazaqstannyń basqa qalalarynda meteojaǵdaı qolaıly bolady dep kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
