Sınoptıkter eki óńirde eskertý jarııalady
NUR-SULTAN. QazAqparat – Aýa raıynyń buzylýyna baılanysty eki óńirde eskertý jarııalandy, dep habarlaıdy QazAqparat tilshisi.
«Qazgıdromet» RMK málimetine qaraǵanda, Batys Qazaqstan oblysynda 13 qazan kúni keı jerlerde tuman túsedi. Batystan soǵatyn jeldiń jyldamdyǵy sekýndyna 15-20 metrge deıin jetýi yqtımal.
Oral qalasynda jeldiń ekpini sekýndyna 18 metrge artýy múmkin.
Osyǵan baılanysty BQO Tótenshe jaǵdaılar departamentiniń baspasóz qyzmeti óńirde tótenshe jaǵdaılardy boldyrmaý maqsatynda tıisti sharalar alynyp jatqandyǵyn jetkizdi.
Sondaı-aq Qyzylorda oblysynda 13 qazanda kúni túnde topyraq betinde 1-3 gradýs úsik júredi. Tańerteń jáne kúndiz shyǵystan soǵatyn jel batys baǵytqa aýysyp, kúshi 15-20 m/s jetedi.
