Sınoptıkter dúısenbi kúni aýa raıy qandaı bolatynyn aıtty
ASTANA. QazAqparat - 26 qarasha kúni Qazaqstannyń basym bóliginde jaýyn-shashyn bolyp, soltústikte, soltústik-batys pen shyǵysta qar jaýady. Keı jerlerde yzǵyryq jel, tuman, kóktaıǵaq, burqasyn kútiledi, dep habarlaıdy QazAqparat.
«Qazgıdromet» RMK málimetinshe, Almaty oblysynyń keı jerlerinde jel ekpini 15-20 m/s jetedi. Kúndiz Jalańashkól aýdanynda jeldiń jyldamdyǵy 20-25 m/s deıin kúsheıip, túnde tuman túsýi yqtımal.
Aqmola, Soltústik Qazaqstan, Shyǵys Qazaqstan oblystarynyń keı jerlerinde jel ekpini sekýndyna 15-20 metrdi quraıdy. Tuman túsip, burqasyn bolady.
Soltústik Qazaqstan, Shyǵys Qazaqstan oblystarynda kóktaıǵaq bolady.
Qyzylorda, Batys Qazaqstan , Jambyl oblystarynyń birqatar aımaqtarynda tuman túsip, kóktaıǵaq bolady, kúndiz jel 15-20 m/s deıin kúsheıedi.
Qostanaı oblysynyń keı jerlerinde tuman, kóktaıǵaq bolady. Jel qarqyny sekýndyna 15-20 metrge jetedi.
Pavlodar oblysynyń keı aımaqtarynda burqasyn kútiledi. Sekýndyna 15-20 metr jyldamdyqpen jel soǵady.
Túrkistan oblysynyń keı jerlerinde tuman bolyp, kúndiz jel 18 m/s deıin kúsheıedi.
Atyraý, Qaraǵandy oblystarynyń birqatar aýmaqtaryna tuman túsedi.
