Sınoptıkter demalys kúngi aýa raıy boljamyn jarııa etti
ASTANA. QazAqparat - «Qazgıdromet» RMK 29-31 shildege arnalǵan aýa raıy boljamyn jasady, dep habarlady «QazAqparat» HAA.
Qazaqstannyń ońtústiginde, ońtústik shyǵysynda, ońtústik batysynda jaýyn-shashynsyz, kún ystyq bolady.
Kúndiz termometr baǵany + 35...40º keı jerlerde 43ºS bolady. 27 shildede Almaty men Taldyqorǵanda 1943 jyldan beri qaıtalanbaǵan aptap ystyq boldy.
Qazaqstannyń batysynda atmosferalyq aǵyndardyń ótýine baılanysty 31 shildede ystyq túsedi dep kútilýde. Demalys kúnderi keı jerlerde + 37...41º bolady.
Respýblıkanyń soltústik, ortalyq, shyǵys aýdandarynda aýa raıy jyly bolady. Keı óńirlerde jaýyn jaýyp, kún kúrkireıdi.
Qazaqstannyń barlyq aýmaqtarynda aýa temperatýrasy klımattyq normadan 3...7ºS-qa joǵary bolady dep kútilýde.
