Sınoptıkter demalys kúnderine arnalǵan aýa raıy boljamyn jarııalady
ASTANA. QazAqparat - Respýblıkanyń soltústiginde kún kúrkirep ótkinshi jaýyn jaýady, ońtústikte jaýyn-shashynsyz, ystyq bolady, dep habarlady «Qazgıdromet» RMK-ǵa silteme jasap «QazAqparat» HAA.
22-24 shildede Oraldan Batys Sibirge aýysqan tsıklonmen respýblıkanyń soltústigindegi aýa raıyna yqpal etetin atmosferalyq aǵyndar ózara baılanysty bolady. Aǵynnyń shyǵysqa jyljýyna qaraı olar ótkinshi jaýynǵa ulasyp, kún kúrkirep, jel turady. Burshaq jaýýy da múmkin.
Qazaqstannyń ońtústik bóligi burynǵysha joǵary atmosferalyq qysym aýmaǵynda bolady. Ystyq saqtalyp qana qoımaı, kúsheıe túsedi. Ońtústikte, ońtústik-batysta temperatýra 33-38º S, keı jerlerde 42º S, ońtústik-shyǵysta jáne ortalyqta 30...38º S bolady.
Astanada 22 shildede aýyspaly bult shyǵady, jaýyn-shashynsyz. Jel shyǵystan, ońtústik shyǵystan - 7-12 m/s. Túnde temperatýra +14+16°S, kúndiz +28+30°S. 23 shildede: bult shyǵyp, jaýyn-shashyn bolmaıdy. Jel ońtústik batystan, batystan 7-12 m/s soǵady. Túnde temperatýra +16+18°S, kúndiz +31+33°S. 24 shilde: kún bulttanǵanymen jaýyn-shashyn bolmaıdy. Aýa aǵyndary soltústik batysqa aýysa otyryp jel - 9-14 m/s. Túnde temperatýra +19+21°S, kúndiz +31+33°S.
Almatyda 22 shildede bult shyǵady, jaýyn-shashynsyz. Jel 0-5 m/s. Túnde temperatýra +18+20°S, kúndiz +32+34°S. 23 shilde: kún bultty, jaýyn-shashynsyz. Jel 0-5 m/s. Túnde temperatýra +18+20°S, kúndiz +32+34°S. 24 shildede: jaýyn-shashynsyz, jeldiń kúshi 0-5 m/s. Túnde temperatýra +18+20°S, kúndiz +33+35°S.
