Sınoptıkter búgin kún raıy qandaı bolatynyn aıtty

ASTANA. KAZINFORM — «Qazgıdromet» RMK Qazaqstan aımaqtarynda 2024 jylǵy 26 jeltoqsanda bolatyn qaýipti meteorologııalyq qubylystarǵa boljaý konsýltatsııasyn jarııalady.

Sınoptıkterdiń  boljamynsha, QR aýmaǵynyń basym bóligi antıtsıklon sileminiń yqpalynda bolady.

— Osyǵan baılanysty jaýyn-shashynsyz aýa raıy kútiledi, tek eldiń soltústik-batysynda, soltústiginde atmosferalyq fronttardyń ótýimen qar jaýýy, jaıaý burqasyn boljanady. Respýblıka boıynsha tuman, batysynda — kóktaıǵaq, shyǵysynda jáne Alakól kólderi aımaǵynda jel kúsheıýi kútiledi, — delingen habarlamada.

Buǵan deıin habarlaǵanymyzdaı, eldiń soltústiginde, batysynda ǵana azdaǵan qar jaýatyny boljanǵan.