Sınoptıkter boljamy: 13 qańtarda Almatyda qalyń qar jaýady

ALMATY. QazAqparat - Qazgıdromettiń boljamy boıynsha Almatyda túnde qar jaýyp, kúndiz qalyń qarǵa ulasýy múmkin, dep habarlaıdy QazAqparat tilshisi.

Osyǵan baılanysty qala ákimdigi turǵyndardy jolda abaı bolýǵa shaqyrady.

«Kommýnaldyq qyzmetterdiń qar tazalaý jumystaryn der kezinde ári sapaly atqarýlary úshin avtokólik júrgizýshilerden qalada kólik qozǵalysyn barynsha azaıtýdy, jeke kólikterin jol jıekterine qoımaýdy, bul iske túsinistikpen qaraýdy suraımyz. Qar tazalaýǵa kedergi jasaıtyn kólikterdiń evakýatormen basqa oryndarǵa jiberiletinin eskertemiz» dep habarlady qalalyq ákimdikten.

Sodaı-aq, qalalyq ákimdik kólikpen júrý óte qajet bolǵan jaǵdaıda júrgizýshilerdi jyldamdyqty azaıtýǵa, avtomobılder arasyndaǵy qashyqtyqty ulǵaıtýǵa jáne kenetten manevr jasamaýǵa, jol-kólik apatyn boldyrmaýǵa shaqyrady.