Sınoptıkter birneshe óńirde eskertý jarııalady
NUR-SULTAN. QazAqparat – «Qazgıdromet» RMK aýa raıynyń nasharlaýyna baılanysty birneshe óńirde eskertý jarııalady, dep habarlaıdy QazAqparat.
Atap aıtqanda, 7 shilde kúni Aqmola oblysynyń keı jerlerinde naızaǵaı, burshaq kútiledi. Soltústik-batystan jel soǵyp, onyń kúshi naızaǵaı kezinde 15-20 m/s jetedi. Túnde jáne tańerteń tuman bolady.
7 shildede Qostanaı oblysynyń keı jerlerinde naızaǵaı, tuman kútiledi.
7-9 shildede Qyzylorda oblysynyń keı jerlerinde naızaǵaı boljanady. Soltústikten soǵatyn jeldiń kúshi 15-20 m/s artady. Shańdy daýyl turady. Kúndiz oblystyń ońtústiginde 41 gradýs qatty ystyq kútiledi.
7 shildede Aqtóbe oblysynyń keı jerlerinde naızaǵaı bolady. Soltústikten, soltústik-shyǵystan soqqan jeldiń ekpini 18 m/s kúsheıedi.
7 shilde kúni kúndiz Soltústik Qazaqstan oblysynyń keı jerlerinde naızaǵaı kútiledi. Túnde jáne tańerteń tuman boljanady.
