Sınoptıkter aýa raıyn boljaýda jibergen qatelikteri úshin aıyppul tóleýleri múmkin
ASTANA. 18 shilde. QazAqparat - Nıderlandyda sınoptıkterge aýa raıyn boljaýdaǵy jibergen qatelikteri úshin aıyppul salynýy yqtımal,
dep habarlady RBK.
Mundaı bastamany portty Hýk-van-Holland qalasynyń mýnıtsıpalıteti usyndy, dep jazdy brıtandyq The Telegraph gazeti.
Qalalyq sheneýnikterdiń pikirlerinshe, boljanǵan aýa raıyndaǵy qatelikter týrıstik bızneske shyǵyn keltirýde.
Hýk-van-Holland qalasyndaǵy shaǵyn qonaqúıdiń ıesi Pıter van Kýtsenniń aıtýynsha, aýa raıyn boljaýda jibergen qatelikteri úshin sınoptıkterge aıyppul salý qajet. «Sınoptıkterdiń jasaǵan sońǵy boljamy múldem sáıkes kelmedi, onyń arty týrıstik bıznestiń aqsaýyna soqtyrdy. Adamdar aýa raıynyń qolaısyzdyǵyna baılanysty saparǵa shyǵýdan bas tartýda. Meniń oıymsha, durys aýa raıy boljamyn bermegen sınoptıkterge aıyppul salý qajet», - dedi ol.
